Ansie Rabie sê dat hulle vroegoggend wakker was nadat die honde vreeslik aan die blaf gegaan het.

Haar man, Gert, het by die venster uitgeloer.

Hulle was net betyds om te sien hoe ‘n man, geklee in ‘n donker broek en groen oorpak baadjie, in die straat af ry op hul seun se fiets.

Wihan (8) het die fiets feitlik in stukke by iemand gekry.

Hy het sy spaargeld gebruik om die fiets reg te maak, ‘n spesiale sitplek, wiele en aspenne op te sit waarmee hy toertjies kon doen.

Die fiets word beskryf as ‘n goue kleurige Mongoose BMX Trick Bike.

Dit het ‘n swart sitplek met dun rooi strepie daarop.

Een van die rem handvatsels is afgebreek en die fiets het penne op die wiele se aste waarmee toertjies gedoen word.

Die linkerkantste aspen op die agterwiel is effe gebuig.

Daar is ‘n saak van diefstal by die polisie geopen.

Indien iemand die fiets opmerk kan hulle mnr. Rabie bel by 084 645 1434.