Vier fietse gesteel
Vier fietse is in die bestek van twee dae by 'n gesin in Joubertstraat (naby die OK Grocer) gesteel.
Volgens me. Yolandi Dreyer is die eerste bergfiets verlede Dinsdag deur die loop van die dag gesteel. Met hul tuiskoms was die ander fietse nog daar.
Woensdag deur die loop van die dag is hul seun se kleiner bergfiets, asook ‘n resiesfiets gesteel.
Me. Dreyer sê die fietse was glad nie van die pad af sigbaar nie en het onder ‘n afdak agter hul buitekamer gestaan.
“Iemand moes ons dopgehou het!”
Sy doen ‘n beroep op die gemeenskap om uit te kyk vir enige persoon wat fietse probeer verkwansel, hetsy privaat of aan pandjieswinkels.
As iemand enige inligting het, kan hulle haar bel by 072 423 5224.
• Die twee groot bergfietse is sowat R3 000 elk werd. Dit is chroom bergfietse met blou plakkers (Ralleigh UTAH). Die kleiner bergfiets en resiesfiets was beide rooi.
