Volgens die polisie het me. Magriet Joubert, R4500 getrek, waarna sy deur twee mans by haar kar in die parkeerterrein gekonfronteer is.

Hulle het haar met ‘n mes gedreig en beveel om te ry.

Die mans het op die Onverwacht-pad na Stoffberg met haar gery waar hulle haar beveel het om te stop, en met haar geld op die vlug geslaan het.

Die kaping is net na 11:00 op al wat radiogroep is uitgesaai en me. Joubert is kort daarna ongeskonde gevind.

Sy was egter baie getraumatiseer en die polisie kon nie dadelik ‘n verklaring by haar afneem nie.

Soos die soektog gevorder het, het die motor se kleur en beskrywing telkemale verander, eers was dit ‘n groen Mazda Sting, toe ‘n goue Mazda Etude, en later weer ‘n rooi Mazda Etude.

Vertellings oor waar die vrou gekaap is het ook verskil, met berigte dat sy in Koppiestraat oorrompel is terwyl ander weer gesê het in Wesstraat.

Volgens Aerorand radiogroeplede is hulle in weer in kennis gestel dat sy op ‘n grondpad naby Selonsrivierstraat in Aerorand gevind is, en nie op die Onverwacht-pad nie.

Die lede sê dat die vrou deur die kapers beveel is om op die agterste sitplek plat te lê.

Sy het haar selfoon by haar gehad en boodskappe na vriende gestuur oor waar om haar te vind.

Die polisie sê ‘n roofsaak word ondersoek.

Me. Joubert wou nie met die koerant praat nie.