Dewald (20) het selfmoord gepleeg, twee dae nadat hy en ’n ander jong man oor ’n meisie vasgesit het by Burger Hut in Cowen Ntulistraat.

Videomateriaal wys hoe drie jong mans op motorfietse aangejaag kom terwyl Dewald voor die Engen winkel sit en rook. Kort daarna kom die jong man, waarmee hy binne in die restaurant baklei het, saam met die drie wat met die motorfietse opgedaag het, uitgestap, reguit na hom toe.

Dewald word verskeie kere in die gesig geslaan. Deur die hele voorval bly hy sit en afkyk. Selfs nadat een van die mans hom gooi, dat hy deur die lug trek en op die plaveisel beland, bly hy sit.

Sy familie is dit eens dat die vernedering wat deur die groep mans en sy meisie veroorsaak is, bygedra het tot sy selfmoord.

Hulle het onderneem om die saak nie daar te laat nie en stappe teen die jong mans, wie se name aan die Middelburg Observer bekend is, te neem.