Verskeie inwoners het hul kommer uitgespreek oor die “gemors” langs die Klein Olifantsrivier nadat die uitheemse bome eers voor die voet geringbas is en die afgelope tyd afgesaag is. Mense het ook gekla oor die veiligheid, aangesien daar nie borde aangebring is om te wys dat hulle die bome afsaag nie.

Me. Daleen Lamprecht (parkehoof) het hierdie week gesê dat die Werk vir Water-span weg is en dat die stadsraad besig is om skoon te maak.

Met die Observer se besoek Woensdagmiddag by die rivier, was daar spanne besig om die stompe wat oral rondgelê het op te saag.

• Daar was ‘n klagte dat daar ‘n groot stomp in die pad lê wat ‘n gevaar vir motoriste is. Die stomp was egter Woensdag reeds van die padoppervlak verwyder en opgesaag.