News
Goeie nuus vir vakansiegangers oor N11
Die N11 sal van 15 Desember tot 9 Januarie, twee bane oop hê vir verkeer, met geen stop-ry vertragings gedurende dieselfde tydperk nie.
HHO se raadgewende ingenieur, mnr. Rian Ilse, sê die bouery aan die pad is reeds 70% voltooi, en dat hulle steeds verwag om teen Augustus volgende jaar klaar te wees.
Volgens mnr. Ilse sal die Keeromrivier-brug, wat reeds voltooi is, en nou seelwerk ondergaan, ook teen 15 Desember, oop wees vir verkeer.
As die kontrakteurs weer almal op 9 Januarie na die padbouery terugkeer, sal daar ook net stop-ry vertragings wees tussen Kranspoortpas en Damwal digby die Olifantsrivier-brug.
Die twee stop-ry vertragings tussen Middelburg en Kranspoort sal van 9 Januarie af weg wees.
Dit is baie goeie nuus vir Forever Resorts se string lodges voor die dam, en ander soos Devoetpadkloof en Zeekoei Gat.
At Caxton, every story is written by humans. We use AI only to perform quality checks - never to generate the news. Happy reading!
