Vroue se juwele van nekke geruk
Die misdaadnes wat die Middelburg sakekern geword het, het sy soveelste slagoffer geëis.
Me. Nellie Maritz (57) se hangertjie is van haar nek afgeruk.
Vrouens wat juweliersware dra, is nie meer veilig in die middedorp nie, want dit is die tweede vrou wie se juwele van haar afgeruk word.
Terwyl sy by die poskantoor se trappies afgestap het, het ‘n man saam met haar afgeloop.
Lees ook: Tiener drink, steel kar
Hy het haar gegroet met “Hallo Magogo” en sy het beleef teruggegroet.
Hulle was nog besig om vir mekaar te kyk, toe hy sy hand uitskiet en haar hangertjie van haar nek afpluk.
Lees ook: Pasop! Hulle steel blitsig
Me. Maritz het agter hom aangeskree: “it is only costume jewelry!” maar hy het vinnig verdwyn.
•Dieselfde middag het mnr. Jacques Maritz in sy truspieëltjie gesien hoe twee straatrowers ‘n Ford Kuga se deure probeer oopruk op die hoek van John Magagula- en Cowen Ntulistraat.
Sowat twee maande gelede was hy ook ooggetuie van ‘n soortgelyke voorval op die hoek van Walter Sisulu- en Bhimy Damanestraat.
•Oud raadslid Hennie Steenkamp het beserings opgedoen toe hy ook by die poskantoor aangeval is.
Ander nuus:
Bonckerstraat is weer skoon!
Weather for the week
Vermeende dieseldiewe uit slikdam gered
Sluise vir vierde keer oop
Goud, kontant, dwelms gekry toe Valke toeslaan
Jakkals het hondsdolheid gehad
VIDEO: Steelcrest afrigter in kookwater
Wie doen dit aan ’n hond
Nuus op ’n drafstap:
Kry nuus op ’n drafstap. Stoor ons bystand nommer (072 248 3855) op jou foon, stuur ’n WhatsApp boodskap met die woorde “Add me” om nuusflits skakels op jou foon te kry.”
