NIE VIR SENSITIEWE KYKERS: Wurms loop uit wonde
Een hond met wurms wat uit ’n wond op die kant van sy gesig geloop het en ’n hond met brandwonde op sy rug is by ’n huis in Boekenhoutstraat (Kanonkop) gevind.
Senior-inspekteur Petro Oberholzer (bestuurder, Middelburg Dierebeskermingsvereniging) sê sy het ondersoek gaan instel nadat sy klagtes van mense in die omgewing gekry het.
Die een hond, ’n Afrikanis- kruising, is gereeld deur mense in die strate opgemerk.
Wurms het uit wonde langs sy kop, net onder die oog, uitgepeul. Die hond was ook baie maer en aggressief weens pyn.
Sy het ’n tweede jong hondjie op die perseel gekry met merke wat wys dat die hond op ’n stadium met olie of kookwater gebrand is. X-strale het later gewys dat hierdie hondjie se een poot ook op ’n stadium gebreek was.
Daar is beslag gelê op die honde en klagtes van dieremishandeling teen die eienaar van die diere geopen.
•Teen druktyd het die eienaar van die hond nog nie in die hof verskyn nie en mag sy naam nie bekend gemaak word nie.
Lees ook:
Donkie tref Marble Hall burgemeester se Audi
Nigerian assassinated in front of house
Kliek op die skakel om te registreer om ons nuusbrief met die jongste nuus per e-pos te kry
Soek jy nuus op ‘n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Het julle vir ons ‘n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
