VIDEO: Alweer drama met sekuriteit
’n Vrou wat uitdagend deur sekuriteitsbeamptes by Middelburg Hospitaal behandel is, is beskuldig dat sy hulle gevloek het en die “k”-woord gebruik het toe sy hulle rapporteer.
Me. Wanda Smith was verstom toe sy die sekuriteitsbeamptes van Mafoko Sekuriteit by hul senior rapporteer en hoor wat sy antwoord is.
Die drama het begin toe sy haar pa in die hospitaal besoek het.
Sy het een of twee keer ingery en by die groot parkering gestop.
Tydens nog ’n besoek is sy by die hek voorgekeer en daar is aggressief vir haar gevra: “What are you doing here?”
Omdat haar sesjarige by haar in die kar was, het sy kalm gebly en gesê sy kom haar pa besoek.
Sy sê die hek is oopgepluk en daar is ook vir haar gesê dat hulle haar kar moet deursoek en dat sy haar besonderhede in ’n boek moet invul.
Terwyl sy daarmee besig was, het sy gesien dat iemand agter haar stop en dat een van die sekuriteitsbeamptes ’n geselsie met die insittendes aanknoop.
Die beampte het gewys dat hulle net kan inry.
Me. Smith het gevra waarom haar kar deursoek word en sy die vorm moet invul, maar nie die ander mense se voertuig nie.
Sy het gehoor hoe hulle vir mekaar sê dat sy besig is om “te bitch en moan”.
Met haar volgende besoek, het hulle geweier om die hek oop te maak.
Me. Smith het uit radeloosheid later ’n video gemaak van die sekuriteitswagte. Daar kan gesien word hoe een die hek ’n entjie oopmaak en dit weer toemaak.
“Daar was later ’n string karre agter my.”
Uit radeloosheid het sy later self die hek oopgemaak.
Sy sê hulle het geweldig op haar geskel, maar sy het kalm gebly en is in by die hospitaal.
Me. Smith wou hulle verkla en het met ’n gesukkel mnr. Shadrack Masombuka in die hande gekry.
Hy was glo baie aggressief.
Mnr. Masombuka het onderneem om haar die volgende dag voor 12:00 terug te bel, nadat hy die saak ondersoek het, maar teen Woensdag het sy nog niks van hom gehoor nie.
•www.mobserver.co.za het mnr. Masombuka gebel, wat ongeskik en aggressief gesê het dat hy “geen kommentaar” gaan lewer nie en dat me. Smith hom moet bel.
Lees ook:
Pumas se sukses in ‘n voorbeeld van eendrag maak mag
Kliek op die skakel om te registreer om ons nuusbrief met die jongste nuus per e-pos te kry
Soek jy nuus op ‘n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Het julle vir ons ‘n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
