Welpies vir R80 000 stuk aangebied
Boewe wat die leeuwelpies by Pienaardam gesteel het, het die diere vir R80 000 stuk probeer verkoop.
’n Oorstelpte mnr. Gerrie Gerrits het kort nadat die welpies ongedeerd by Pienaardam afgelaai is, vertel van die soektog.
Kort nadat hulle gesien het die welpies is uit die kamp gesteel, het hulle dadelik die hulp ingeroep van die Middelburg Veediefstal en Bedreigde Spesie-eenheid. Die honde-eenheid is ook gekry om te kyk vir spore.
Lees ook: VIDEO: Leeutjie in woongebied gesien
Mnr. Gerrits sê gedurende die naweek het sy selfoon al begin lui met mense wat hom uit Durban, Kaapstad en Springs gebel het om te sê dat iemand die leeutjies aan hulle probeer verkwansel het.
“Hulle het die welpies vir R80 000 stuk probeer verkoop.”
Intussen het daar Saterdag videos op Facebook begin verskyn waar inwoners van Mhluzi ’n man afgeneem het wat by ’n leeuwelpie sit. Mnr. Gerrits sê dié man het later gesê dat hy die een welpie in die straat opgetel het.
Met hul aankoms by die man wat afgeneem is, was die welpie reeds weer weg.
Mnr. Gerrits sê hulle het met die hulp van verskeie mense alle leidrade opgevolg, totdat hulle ’n oproep uit eMalahleni gekry het.
’n Man het hulle laat weet dat die booswigte met hom onderhandel het om die welpies te koop. Hy het dadelik twee en twee bymekaar getel en ingestem.
Die leeustelers het die welpies by hom afgelaai en daar is onderhandel dat hy later dié week sou betaal.
Hy het dadelik mnr. Gerrits gekontak en sommer self die leeus by mnr. Gerrits kom aflaai.
•Die welpies het hul hanteerder, me. Belinda Kruger, byna omgespring toe hulle op Pienaardam aanland en het gou hul bottels met leeumelk verslind.
•Die ander betrokkenes in die saak se name word weens veiligheidsredes weerhou.
•’n Verdagte is gearresteer, maar sy naam is nog nie bekend gemaak nie.
Lees ook:
Boer wag vir geregtigheid na plaasaanval
VIDEO: Gaan speel die Marimba!
VIDEO: ‘n Middie vyf by Koedoekoppe
VIDEO: Dennesig – van Kleinbegin na spogskool soos min
Soek jy nuus op ’n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Kliek op die skakel om te registreer om ons nuusbrief met die jongste nuus per e-pos te kry
Het julle vir ons ’n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
