News

Boer, plaasbestuurder en werkers gemartel, gyselaar gehou

’n Boer wat lone wou betaal het wonderbaarlik oorleef nadat sy plaasbestuurder vroeër oorval is, aanvallers hom ingewag en met gewere op hom losgebrand het.

September 8, 2018

Janine van Staden 2 minutes read

Phillip Maritz se Land Cruiser was vol gate geskiet tydens die plaasaanval.

Phillip Maritz sou Vrydag 31 Augustus vir die laaste keer sy werkers se lone in kontant betaal voordat ’n nuwe elektroniese kaartsisteem in werking sou tree.

Toe hy om 11:25 op die plaas Strydkraal B, sowat 80km buite Marble Hall, aankom, het drie gewapende mans wat hulle as plaaswerkers vermom het, op hom afgestorm. Hy het probeer wegjaag en daar is 11 skote op sy voertuig geskiet voordat hy teen ’n hoop kunsmissakke gebots het.

Hennie Potgieter, die plaasbestuurder was gyselaar gehou en gemartel.

Nie een van die skote het mnr. Maritz getref nie, maar hy is na die botsing uit sy motor gedwing en na ’n pompkamer geneem sodat hy ‘sy dooie maatjie’ kan sien.

Mnr. Maritz se plaasbestuurder, Hennie Potgieter, wat sowat twee ure voor hom op die plaas was, is met sy aankoms oorval en gemartel om inligting te kry. Hy is gyselaar gehou en moes met ’n vuurwapen teen sy kop vir mnr. Martitz bel om te hoor wanneer hy kom.

Phillip Maritz se hand was beseer terwyl hy probeer het om sy kop te beskerm.

Nog twee mans, Etienne en Vernon van Blerk, wat op die plaas was om elektriese werk te doen, is saam met mnr. Potgieter aangehou, tot mnr. Maritz se aankoms.
Aanvallers het gedreig om mnr. Maritz deur die maag te skiet en het verskeie skote afgevuur in die pompkamer, waar die mans aangehou is.

Maritz se Cruiser is erg beskadig deur die losbrand.

Die aanvallers is op die ouend weg met bankkaarte, waarvan hulle die PIN-kodes met geweld uit die slagoffers gedwing het, asook die lone-geld, gereedskap en kanne met diesel.
Die slagoffers se voertuigsleutels en selfone is later in ’n sak op die plaas gevind. Die dieselkanne is by die plaasingang gekry.

Niemand is nog in verband met die voorval in hegtenis geneem nie.

• Mnr. Maritz bied ’n beloning aan vir enige iemand met inligting wat tot ’n arrestasie kan lei.