News

Swaelsuur gevaar in Poort van Dood

’n Grondeienaar wat op die toneel was na gisteraand se ongeluk in Kranspoort, sê dat swaelsuur in die poort gestort is.

January 16, 2019

Sjani Campher 1 minute read

Mnr Leon Smit van Zeekoegat, het aan www.mobserver.co.za vertel hoe hy en twee ander boere in die area self kalk op die swaelsuur gegooi het.

Die trok wat op pad was Zambië toe, het omgeslaan in die poort met ‘n vrag vol gekonsentreerde swaelsuur, om 19:29 gisteraand.
Daar was deur die brandweer vertel dat daar geen lekasie van suur was op die toneel nie.

Die bestuurder is nie ernstig beseer nie, maar foto’s wat mnr. Smit gestuur het, wys duidelik hoe die swaelsuur rook op die toneel.

Hy en twee ander boere, Willie Trollip en Hennie Grobler, het kalk gebruik om die suur te neutraliseer.

Dit is nie ‘n ongewone gebeurtenis vir die boere van die omgwing nie, en mnr Smit vertel dat hy laas jaar skade van tot R135 000 gely het na so ’n ongeluk.

‘n Buitelandse vervoermaatskappy se trok het ook omgeslaan met ‘n vrag vol suur, en dié het in sy dam ingeloop en sy water besoedel.
Hy sukkel tot vandag toe nog om die geld uit die maatskapy te kry na hy ten duurste sy water moes rehabiliteer.

•Die stuk pad staan bekend as die “Poort van die Dood” as gevolg van die talle ongelukke wat al menselewens daar geëis het.