Marius Pretorius sê hulle het die inisiatief geneem by Mica en saam met Essential Hardware en Hoërskool Middelburg besluit om ons Middedorp skoon te kry.

Mnr. Pretorius sê dat Mica en Essential Hardware elk twee trokke beskikbaar sal stel en dat mnr. Johan Stronkhorst (van Middies) gesê het dat hy ’n bakkie sal stuur waarop daar gemors gegooi kan word.

Hy sê dat Mid Alarms en Titon Sekuriteit en selfs ’n span van AfriForum hul steun aan die skoonmaak-aksie toegesê het.
Nou moet ons gemeenskap net wys waarom ons altyd geprys word as ’n dorp wat saamstaan.

Mnr. Pretorius noem dat hulle 1 000 swartsakke sal skenk, maar dat mense wat deel van die aksie uitmaak, welkom is om hul eie swartsakke saam te bring.
Hy vra ook dat mense grawe en harke, sterk tuinhandskoene en selfs waterskoene moet saambring.

“Bring ook jou hoed, water of koeldrank en iets te ete saam!”

Voertuie word parkeer by Mica (sekuriteit parkering), vanwaar die groep te voet sal afbeweeg die dorp in.
Ter wille van veiligheid, word gevra dat jong kinders nie moet saamkom nie.

•Vir meer inligting, bel mnr. Pretorius by 062 757 1404.

•Mica is geleë op die hoek van Walter Sisulu- en Laverstraat (ingang, Walter Sisulu).