Soektog na Mielie kring uit
Die soektog na die Australiaanse beeshond, Mielie, wat om die Slaghoek plaas naby Doornkop weggeraak het, kring uit terwyl die Zambi-soekspan bly glo dat hy nog opgespoor kan word.
Kevin Ruthven en sy Jack Russel, Brood, se hondemaatjie met die naam Mielie, het op 6 Februarie weggeraak.
Me. Marthina Janse van Rensburg van Zambi het ’n beroep gedoen dat Mielie se plakkaat in omliggende gebiede versprei word.
“Mielie het die vermoë om baie ver te kan reis, en ons glo dat hy iewers in iemand se besit is wat dalk onbewus is dat daar na hom gesoek word.”
Die R20 000 beloning vir Mielie se veilige terugkoms staan nog.
Terwyl Zambi voortdgaan met hulle soektog, het mnr. Ruthven op die Bergloper en Mieliebrood Facebookblad ’n plasing gemaak dat hy vrede gemaak het met Mielie se verdwying.
Hommeltuie, vliegtuie en spoorsnyhonde is al gebruik om na Mielie te soek.
Indien iemand inligting het oor waar Mielie is kan Zambi gekontak word by 082 895 7807.
