En die tweede grootste besprekingspunt is? Sneeu!

“Het dit daar by julle gesneeu? Het julle gesien hoe lyk Belfast, Hendrina, Ermelo…?”

Karre gly op die yspad, die Long Tom pas is toe, Witbank se gholfklub is gehul in ’n wit sneeukombers en op die Stoffbergpad is dit 12 kilometer buite Middelburg spierwit. Tonteldoos lyk soos ’n ysland, sprokiesmooi.

Ai, en die ysgode het hierdie jaar verby Middelburg gegaan sonder om ordentlike sneeu af te lewer. Aerorand en Groenkol het so paar strepies vlokkies gekry wat gou deur die reën weggespoel is.

Kaymin van der Walt was gister na vyf die middag op pad na Nelspruit en toe sy naby Belfast kom, was dit eensklaps spierwit. Sy het vir die Middelburg Observer ’n video aangestuur van die eens in ’n leeftyd belewenis.

Lesers staan nou die kans om ’n bottel sjerrie te wen deur hulle foto’s aan te stuur, ok, kom ons maak dit drie bottels teen die koue.

Stuur die foto’s per e-pos na sjani@mobserver.co.za.