Twee mense is dood en vier ernstig beseer in ‘n ongeluk tussen ‘n trok en ‘n Quantum bussie Vrydag omstreeks 19:30 op die Hendrinapad, by die Pullenshope afrit.

Met die impak van die slag is die voorste gedeelte van die bussie heeltemal onder die trok ingedruk.

Daar is aanvanklik gedink dat net die bestuurder van die bussie in die ongeluk gesterf het. Nadat die trok opgelig is, is die liggaam van nog ‘n passasier onder die trok gevind.

Die vier beseerdes is per ambulans na die Middelburg hospitale afgevoer.