Arthur Hill (Dagpatrollie) vertel dat hulle verlede Dinsdagaand saam met die Sektor 4 Radiogroep patrollies gery het in Kanonkop en Dennesig.

Omstreeks 23:00 het hulle opgemerk dat daar ’n jong man met ’n tas loop by die Dennesig dammetjies, naby die Njala- en Helen Josephstraat kruising.
Die oomblik toe hy die lede se voertuie sien, het hy die sak neergesmyt en tussen die riete ingehardloop.

Sowat ’n halfuur later is daar weer in die area gepatrollieer en het dieselfde jong man saam met ’n ander man geloop. Dié keer het albei sakke saam met hulle gedra.
Voordat die lede op patrollie hulle kon vra wat is in die sakke, het hulle dit neergesmyt en weer tussen die riete die nag in verdwyn.

In die sakke is die kragkabels, koperpype, drankbottels en selfs ligskakelaars gekry.

• Arthur het gemeld dat hulle agtergekom het dat daar gure karakters tussen die riete en onder bome in die nagte skuil en selfs slaap by die Dennesig dammetjies.