Daar is aanvanklik gehoor dat die houtwapen met verskillende tipes patrone deur die Gemeenskap in Blou by die polisiestasie ingehandig is.

Hierdie week is egter verneem dat die Gemeenskap in Blou besig was met patrollie die aand, toe hulle twee mans met sakke by hulle op die hoek van Lilian Ngoyi- en Cowen Ntulistraat opgemerk het.

In een van die hawelose mans se sakke is die selfgemaakte wapen, wat met hout, rekke en draad gemaak is en wel ’n koeël sal kan afskiet, gekry.

By die polisiestasie is die man ondervra en sy vingerafdrukke geneem en die wapen ingehandig.
Die lede wou egter nie ’n saak maak nie en die hawelose man is laat gaan.