Sun City se dam en gholfbaan krokodille is nou by die uBhetyan Wildsplaas naby Middelburg!

Deon Cornelius (van uBhetyan) het deel uitgemaak van die span wat verlede week die krokodille vanaf Sun City na Middelburg geskuif het.

Omdat die krokodille nie daar mag aanteel nie, is twee mannetjies en agt kleintjies is verskuif.

Die water is met pompe uit die dam gedreineer, waarna die krokodille gevang is.

Die een mannetjie is uBhetyan toe gevat en die ander een na die reptielpark by Hartbeespoortdam.

• Deon en sy span, asook die Middelburg Veediefstal en Bedreigde Spesie-eenheid, onder koördinasie van die Noordwes Toerisme en Parke Agentskap (Parkeraad), het die krokodille gevang.