Arthur Hill (Dagpatrollie) sê ’n inwoner van Jack Hindonstraat het vanoggend een van hul patrollielede gebel en vertel dat hy die drie verdagtes met die sleepwa in sy erf gesien het.
Die een het nog half deur die blare uit die sleepwa geklim toe hy hulle opmerk en by die huis uitkom.

Die Dagpatrollie is gekontak en mnr. Hille het die drie in Kogelstraat opgemerk waar hulle die sleepwa in die straat afstoot.

“Hulle het dadelik weggehardloop toe hulle my sien en die sleepwa net so gelos.”

• Die wit sleepwa het nog ’n ou Transvaalse registrasienommer, naamlik HDT834T. Daar is ook ’n “Nylstroom” Venterverkoopplakker agterop.

Hy sê omdat die sleepwa so geroes is, het die sleepstang gebreek nadat hulle dit weggesleep het van die toneel af. Hy het met kabelbinders die sleepstang met ’n pyp vasgemaak om dit veilig te kon wegsleep.

• Hy het aangedui dat hy vir die eienaar die sleepwa sal hou tot Woensdag en dit dan ingee by die Middelburg Polisiestasie. Die eienaar van die sleepwa kan hom bel by 083 870 9693.