Die 50m abseil- en rotsklimarea is ’n ongelooflike gesig in die natuur met die Selonsrivier, die voet van die Waterberge en allerlei flora met meer as 80 gemerkte inheemse bome.

Onthou alles wat afgaan, moet weer opgaan, en as jy klaar is met die abseiling, kry jy die geleentheid om weer teen die rotse op te klim.

Ryk Diepraam (van Buffalo Gorge) nooi almal om te bespreek vir dié uitdaging wat beslis nie vir bangbroeke is nie.

Kostes beloop R350 per persoon vir jou eerste abseil, R150 vir die tweede keer en dit is gratis as jy die derde keer wil afgaan.

Belangstellendes moet onthou dat daar ten minste vier persone in die groep moet wees om die uitstappie aan te bied.

Vir enige navrae en besprekings, bel Ryk by 083 528 9586.