Die video waar die boef deurloop onder die bakstene is op die Noodroep Radiogroep Sektor 3 se noodgroep geplaas.

“Ek het my tuinier se hand gaan skud en vir hom dankie gesê nadat ek na die video gekyk het!” het me. Alet Maritz gesê.

Me. Maritz was gou hospitaal toe, want sy het ouma geword en die tuinier, Thabo Ngwatle, het aangegaan met sy werk in die tuin.
Met haar terugkeer het Thabo vir haar gesê dat daar iemand in die erf was.

Sy het dadelik die videomateriaal nagegaan en gesien hoe braaf Thabo opgetree het om die betreder te verjaag met bakstene.

Die videomateriaal wys hoe die betreder stadig oor die muur klouter en koes-koes langs die watertenk gaan staan.
Die volgende oomblik loop hy hom egter vas in Thabo, wat blitsvinnig bakstene opgetel en hom daarmee gegooi het.

Dit was een te veel vir die booswig, wat soos ’n vlakhaas terug verkas het na die muur waar hy en met ’n baksteen teen die bout aan die anderkant afgeval het.