Me. Liza-Marie Botha sê hul baba, Janco, was vir twee weke siek en het op ’n stadium beter geword.
Hy het egter skielik baie sieker geword met erge koors en het ook opgegooi.

Hulle is met hom dokter toe en daar is aanvanklik vermoed hy het brongitis en hy is in die hospitaal opgeneem.
Toetse wat by die hospitaal gedoen is, het egter gewys hy het Covid.

Hul ouer seuntjie, JC, is ’n dag nadat sy bababoetie in die hospitaal opgeneem is, ook opgeneem met ’n erge borsinfeksie.

“Albei was baie siek, maar JC het negatief getoets vir Covid!”

Hul ouma, Bessie Botha, het ook positief vir die virus getoets.

• Die twee seuntjies was beide verlede week in die hospitaal, en Jaco is Donderdag en JC Vrydag ontslaan.
Alhoewel albei nog bietjie hoes, is hulle baie beter.

• By navraag aan dr. Redge van Rensburg het hy gesê: “daar is Covid gevalle. Ek dink dis maar nou deel van die griep.”