Daar was kommer dat die jaarlikse kragmeting, wat die dorp tot stilstand bring, nie meer sou plaasvind nie, omdat HTS Middelburg moes afskuif na die skildafdeling.

Die wedstryd het vanjaar by HTS Middelburg as ’n ligabepaling plaasgevind, omdat albei skole in die plaatafdeling in aksie was.
Daar sou na ’n datum vir die derby gesoek moes word.

Goeie nuus is dat daar tydens ’n Noordvaal rugbyvergadering besluit is dat die spanne vanaf agt na nege vermeerder word.
Dit beteken dat HTS Middelburg weer in die plaatafdeling in aksie is.

Die spanne wat meeding is Hoërskool Middelburg, HTS Middelburg, Kemptonpark, Klerksdorp, Ligbron, Oos Moot, Montana, Transvalia en Zwartkop.