Middelburger Frikkie Walsh het vandag vir werksverpligtinge na Volksrust gependel.

Omstreeks 14:00 vanmiddag het die weer onheilspellend van lieflike sonskyn na donker wolke verander en het ’n stormsterkte wind opgekom.

Op die videos wat Frikkie geneem het, klink dit amper soos ’n tornado soos die wind waai.
’n Mens sien hoe die donker wolke aangewaai word en die stof sig byna onmoontlik maak.

“Ons het 60km per uur gery en die wind het letterlik die kar heen en weer oor die pad geruk.” Dit het ook gesifreën.

Sowat vyftien minute se ry uit die dorp uit op pad na Middelburg, was die wind skielik weg en het die son weer deurgekom.