Vanmiddag bied die Blitsbokke ’n afrigtingskliniek vir laerskoolseuns aan.

Dit is ’n bedrywige aand met die Hyena-nagwedloop in samewerking met die Middelburg Marathonklub.
Dieselfde tyd begin die saamkuier saam met “Ou” en “Nuwe” Blitsbokke op die rusbank wat staaltjies sal vertel.

Manne op die rusbank is Dirkie Strydom (skool se sportorganiseerder en oud-sewes Shark- en Springbokspeler), Sandile Ngcobo (Sewes Bokafrigter), Marius Schoeman, Deon Oosthuizen en Toy Dannhauser.

More (Donderdag) is die gholfdag waar die Blitsbokke ook gesien gaan word.

Dit is ’n bedrywige Vrydag (22 September), want al die skool se sportspanne kom om 10:00 by die skool byeen vir ’n reuse optog saam met die Blitsbokke deur die dorp.
Hulle sal tussen 11:00-13:00 deur die dorp beweeg en by die laerskole verbyry.

Daar word gevra dat alle motoriste sal toeter druk as hulle die optog sien en dat dié wat langs die strate staan, ook sal brul soos Hoërskool Kanonkop se gelukbringer, die swart leeu, “Maximus”.

Saterdag is die sewesfees en word daar ook vertoonwedstryde deur die Blitsbokke gespeel.

Hekke open om 07:00 en toegang is R50 per persoon en R20 vir voertuie. Toegang vir kinders is gratis.

Die volledige program van die dag kan in die Vrydag uitgawe van die Middelburg Observer gesien word.