Daar is Saterdag vanaf 09:00 ’n reuse pretdag en ‘Toeka tot Nou’ karskou by die Presbiteriaanse Kerk in Bhimy Damanestraat.

Almal kan naderstaan by die kerk se koek- en koffiestalletjie, asook stalletjies met hamburgers en warmbrakke.
Die kleingoed sal veral die pretarea met ’n waterglybaan en springkasteel geniet.

Johnny Venter, van Johnny’s Bargain World, sal modelkarretjies en motorfietsies verkoop en McCarthy Volkswagen sal ook daar wees met ’n uitstalling van hul voertuie.

Om in te gaan by die veterane karskou in die groot parkeerarea agter die kerk, beloop R10 per persoon.

Verskeie verteraanvoertuie sal te sien wees en Middelburgers kan nie bekostig om dit mis te loop nie.