Daar is simpatie vir mense wat in hierdie moderne tyd in asdromme moet grawe om te oorleef, maar daar is ook al meer inwoners wat sê hulle het genoeg gehad van die gemors wat die mense agterlaat.

Nie al die asdromgrawers is skuldig nie.

Sommige haal die swartsakke uit die munisipale dromme, gaan die inhoud deur, gooi wat oorbly weer terug en maak skoon waar hulle gemors het.
In Dennesig kom ’n groep in die veld tussen dié woonbuurt en Kanonkop bymekaar en gooi die afval in groot sakke.

Wat inwoners rooi laat sien het is die groep wat Donderdag in Aerorand van vroegoggend af afval bymekaar gemaak het.
Hulle het ook bottels in die straat stukkend gegooi.

Wesstraat was ook vol glasstukke maar dit is nie seker of dit ook die werk van die sakgrawers was nie.

Een van die groot probleme is dat daar nie ordelike herwinning plaasvind nie.