Storm laat spoor van verwoesting
Tientalle bome is uit die grond geruk, baksteenmure is omgewaai, sinkplate van dakke geruk en dit lyk asof ’n Hoër Hand die reuse bloekombome langs die Loskopdampad met ’n petrolsaag afgtesny het toe ’n verwoestende storm Middelburg vanogged getref het.
In die Meyerstraat omgewing lê daar nog dik hael en die Steve Tshwete Munisipaliteit het sy hande vol om bome uit paaie te verwyder.
Bullerstraat in Dennesig het die ergste deurgeloop met twee huise se mure wat omgewaai is en verskeie bome is in die straat uit die grond geruk.
Dit is een van die strate wat deur bome versper word.
Ander strate waar motoriste uiters versigtig moet bestuur weens bome wat in die pad lê is Kareelaan, Essenhoutstraat, Sipres- en Verkenner.
’n Trokkie van ’n koerier maatskappy het ook op die ou Witbankpad naby Elandspruit omgeslaan met die padoppervlak wat seepglad is.
Die N11 tussen die Proteasraat kruising en Harry Gwalastraat is versper deur dennebome wat deur die stormwind afgeruk is.
Die skade aan die bome dui daarop dat dit nie net ’n ligte briesie was nie, maar waarskynlik ’n orkaan wat net links van Dennesig verby is.
