Daar is op een van die noodgroepe ’n foto van die slang geplaas en gevra of iemand ’n slang vermis.

René van der Westhuizen sê haar man, Wimpie, is deur ’n tuinier by een van die naburige huise genader nadat hy die slang in die tuin gevang het.
Wimpie het gaan kyk en gesien dat dit beslis ’n troetelslang is wat iewers uitgekom het.

Kort nadat hy die slang gevang het, het die tuinier vir hom vertel dat hy werk by mense net hoër op in die straat wat slange aanhou en hy wonder of een van hulle nie uitgekom het nie.

Hulle het die persoon gekontak en hy het bevestig dat een van hul troetelslange uitgekom het. Die slang is kort daarna aan hom terugbesorg.