Flip en Marie Grobbelaar sê dit gaan al vir meer as ‘n jaar lank so.

Die egpaar is gistermiddag weér vir die derde keer hierdie week getref terwyl Marie in Pretoria ‘n spesialis besoek het.

Flip vertel dat hulle om 14:00 by die huis gestop het toe hy sien dat die slot op die hekmotor weg is.
Toe hulle intrek staan ‘n Alzu voersak teen sy motorhuis.

Flip het ‘n geluid gehoor en toe hy om die huis se hoek kom, het hy gesien hoe die verdagte oor hulle palissades spring. Hy het reeds ‘n kas vol koperpyp koppelings oor die palissades gegooi.

Die dief het straataf gevlug.

Met nadere ondersoek het hy gevind dat die slotte op sy motorhuis oopgebreek is, en dat baie van sy elektriese gereedskap fort is. Vyf alarm ogies en elektriese drade is ook sumier uit die grond uit getrek.

Die gereedskap sluit in, ‘n elektriese sirkelsaag, elektriese skaaf, ‘n battery-gedrewe boor, houtbeitels, ‘n skrynwerker klouhamer, ‘n sokstel, skroewedraaiers en ‘n waterpomp tang.

“Hulle het voorheen meer as R24 000 se elektriese gereedskap ook gesteel,” het Flip gesê.

Die egpaar is Sondagaand die eerste keer getref, toe iemand ‘n klomp koperpype gesteel het en die egpaar sonder water gelos het.

Die versekering het die pype laat vervang, maar daar is Dinsdag helder oor dag weer ingebreek, en die nuwe koperpype gesteel.

“Wat vir my vreemd is, is dat ons onlangs vir twee maande in die Kaap was, en toe is dit doodstil. Nou dat ons by die huis is, breek hulle so gereeld in,” het Marie gesê.