’n Mooi storie oor rugby en twee oupas
’n Storie van rugby, oupas en kleinseuns wat in hulle voetspore volg.
Dis ’n mooi storie.
’n Storie van twee oupas wat saam vir Middelburg Rugbyklub uitgedraf het, hulle kinders wat later leerlinge was aan Hoërskool Middelburg en hulle kleinkinders wat die naweek in Dubai vir die All Stars gespeel het.
Dit is nie die einde van die storie nie. Die All Stars se afrigter was self op sy dag een van Middelburg se rugbysterre.
Toe Izak (Sakkie) Meyer en Schalk Breytenbach vir die dorp uitgedraf het in die sewentigerjare het hulle seker nooit kon dink dat hulle kleinseuns eendag in hulle voetspore sou volg nie.
Sakkie was ’n losvoorspeler en Schalk ’n senter wat vanaf 1969 ses wedstryde vir die destydse Suidoos-Transvaal gespeel het.
Hulle kinders El-Mari en Conrad was leerlinge van Hoërskool Middelburg.
Conrad het in sy professionele rugby loopbaan vir Noord-Transvaal op skrumskakel diens gedoen en die Blitsbokke verteenwoordig.
Hy het soos sy pa in 2001 17 wedstryde vir die Pumas (Suidoos) gespeel.
Nou, meer as 50 jaar later, het Sakkie en Schalk se kleinseuns saam vir die All Stars in die Dubai uitgedraf.
Valera is soos sy pa en oupa ’n agterspeler en Christiaan is soos oupa Izak ’n agsteman of flank.
Die All Stars is afgerig deur oud Middelburg Rugbyklub vleuel en afrigter, Vickey Mey.
Die span het in die internasionale o/19 toernooi in Dubai gespeel en in hulle eerste wedstryd met 38-12 teen Peregrines gewen.
Daarna volg oorwinnings oor Sables met 35-7, North West Barbarains 14-10, gelykop 10 elk teen Rugga School Reds Cats en wen 33-7 teen Pontacq.
In die eindstryd het hulle met 21-14 teen die Cavaliers rugby akademie vasgeval.
