CR-onnies met ambulans na afsluiting
Vier onnies van Laerskool Staatspresident C.R. Swart se na-operasiepyn is vanoggend ligter gemaak toe hulle na die personeel-afsluiting vervoer is in ’n ambulans.
Watco Ambulandsdienste het ingestem om die vier per ambulans na die afsluiting te neem.
Onder groot gelag en allerlei skreeusnaakse opmerkings om die pret te beskryf, is hulle in die ambulans gelaai by Ettienne Janse van Rensburg se huis in Vosstraat.
Vandaar is hulle met loeiende sirenes na die skool, waar die ander personeel hulle ingewag het met ’n erewag.
• Ettienne het ’n voet-rekonstruksie operasie ondergaan. “Dis maar weens al die jare se sport!” het hy laggend gesê.
• Natashja van Vuuren het ’n knie-vervanging-operasie gehad.
• Via Fouché se elmboog is geopereer. Sy het met haar hond, Shadow, gaan stap en geval, waarna die hond haar ’n ent gesleep het! Albei pype in die elmboog was gebreek!
• Wanda Farmer het ’n rugoperasie gehad.
Ettienne vertel dat hy en Natashja toevallig op dieselfde dag geopereer is in Pretoria Oos Hospitaal.
“Ons is na die spesialiste toe en het teaterdatums gekry, maar nie geweet dat ons op dieselfde dag geopereer sou word nie. Die oggend van 13 November het ons langs mekaar voor die teaters gewag!”
• Die span van Watco Ambulansdienste word bedank wat die vier na die afsluiting vervoer het.
@middelburgobserver Four teachers at CR Swart have had recent surgeries, so the school surprised them with an ambulance at their year-end function #middelburg #funny #ambulance
