Al die toegangsgelde van R150 per persoon, sal geskenk word vir die sanger, Pieter Naudé, se kankerfonds.

Pieter is al twee keer met kankergewasse op die brein gediagnoseer en in Oktober verlede jaar het die gesin uitgevind dat die kanker terug is.
Dit is egter nou meer aggressief as tevore en Pieter kry tans chemobehandeling en bestraling.

• Ruan is die sangeres, Juanita du Plessis se seun en Pieter is Juanita se broer.

• Regina Dercksen (van Eagle Inn) doen ’n beroep op die gemeenskap om die Naudé-gesin in hierdie tyd te ondersteun deur middel van gebede en bydraes.

“As jy nie die konsert kan bywoon nie, is jy welkom om ’n bydrae in ’n koevertjie te sit met ’n beterskap-briefie daarby, wat vir hom gestuur sal word.”

Die koevertjies kan Vrydag afgegee word enige tyd van 12:00 af.

Persone wat die projek wil ondersteun, kan Regina bel by 082 403 0144.