Bokke, biltong, brandewyn en bokkies
Wanneer jy aan die bosveld dink, dan dink jy aan bokke, jag, biltong en brandewyn.
Maar nou is daar ook Bokke!
Modimolle (Nylstroom) gaan Vrydagaand (16 Februarie) tot stilstand kom, wanneer die Blou Bulle met verskeie Bokke in hulle geledere, na die bosveld dorpie opruk vir ’n IBG-beker kragmeting teen die Valke.
Die Bulle het nie teleurgestel soos dit dikwels met hierdie wedstryde gaan nie en vat hulle groot kanonne saam.
Dit sluit in Springbokke Nizaam Carr, Lionel Mapoe en Cornal Hendricks.
Natuurlik gaan Bulletjie ook saam wat dalk besiger gaan wees as die spelers.
Hy reis van vroegoggend af van skool na skool om die kragmeting te bemark. (Miskien gaan hy die biltong meer verdien as enigiemand anders).
Die wedstryd skop om 18:30 af by Hoërskool Nylstroom.
Plaaslike toeskouers word van vroegdag by die veld verwag met Nylstroom Rugbyklub wat om 16:30 teen ’n Naka Bulle vyftiental speel.
Daar word 8 000 mense verwag.
Die Bulle se span gaan gekies word uit die volgende spelers: Carlton Bannies, Regan Izaks, Stravino Jacobs, Cornel Smit, Barend Smit, Lionel Mapoe, Cornal Hendricks, Sibongile Novuka, Bernard van der Linde, Steven Nel, Corne Beets, Abulele Ndabambi, Nizaam Carr, Cyle Brink, Mihlali Mosi, Phumzile Maqondwana, JF van Heerden, Merwe Olivier, Juann Else, Tiaan Lange, Sebastian Lombard, Khuta Mchunu, Tielman Nieuwoudt, Robert Hunt, Jacques van Rooyen.
Valke: Sergio Stalmeester, Chadrack Tshimanga, Musa Tshabalala, Yanga Hlalu, Valntino Welman, Keagan Fortune, Luciano Elias, Zingisa April, Godfrey Muzanargwo, Massimo Fierro, Andrew Volschenk (k), Mihlali Stamper, Cohen Kiewit, Pierre Rabie, Wiaan Schmidt.
