Legendariese baanbreker vanoggend oorlede
Ria sal onthou word vir die liefdadigheidsveldtogte wat sy geloots het, asook haar rol in die streekdienste administrasie.
Legendariese baanbreker, Ria Joubert, wat die eerste vrou in Suid-Afrika was wat in 1987 as hoofuitvoerende beampte van die Hoëveldse Streekdiensteraad aangestel is, is vanoggend vreedsaam op die ouderdom van 88 oorlede.
Me. Joubert het in 1994 afgetree, maar het so merkbare verskil gemaak, dat sy van 1997 tot 1999 herroep is in die pos.
Na haar finale tyd by die streeksdienste administrasie, het sy verskeie liefdadigheidsveldtogte gelei, en onder meer lees en skryfklasse aangebied by die NG Suid Gemeente, waar sy ook naaldwerklesse gegee het.
Sy is op 28 Mei 1935 op die plaas Tweefontein in die Elandslaagte omgewing gebore en was die jongste van vier kinders.
Daar sal in volgende week se uitrgawe van die Middelburg Observer hulde gebring word aan die merkwaardige vrou wat die patriargie in Middelburg op sy kop gekeer het.
