Die presiese omstandighede van die ongeluk is nie bekend nie.

’n Minibus en ’n Chery voertuig was betrokke. Die minibus het sowat 50m verder in die veld in Mandelarylaan tot stilstand gekom.

Daar word verneem dat ’n vrou van ’n nabye besigheid dadelik na die toneel gehardloop en begin het met noodbehandeling op die ernstig beseerde man in die Chery.

Persone wat op die toneel was, sê hy het ’n wond aan sy keel gehad.

• Die beseerde man, sy naam is aan die Observer bekend maar word weerhou totdat sy familielede van die ongeluk in kennis gestel is, is per ambulans na die Life Midmed Hospitaal afgevoer.