Jonas Moedigi Sebati het vroeër vandag skuldig gepleit op ’n klag van strafbare manslag in die streekhof, na die dood van #Braai # Pizza afleweraar Motheo Madihlaba, gedurende Paasnaweek 2022.
Motheo was op sy bromponie toe hy deur Sebati in Walter Sisulustraat getref is, nadat Sebati voertuie oor ’n sperstreep in Motheo se baan verbygesteek het.
Die saak is op die hofrol geplaas na druk van Afriforum se privaat vervolgingseenheid onder leiding van Gerrie Nel.
Die eenheid se, Wico Swanepoel, was oudergewoonte in die hof om Motheo se ma, Granny Madihlaba, te ondersteun.
Me. Madihlaba was verheug oor die wending in die hofsaak, en het Afriforum geloof vir hul bystand.
Sebati het sy eerste verskyning op die klag van strafbare manslag meer as ’n jaar na die voorval in die hof gemaak.
Dit is die tweede sukses wat Afriforum se privaat vervolgings eenheid op hul kerfstok het, nadat Khumbulani Malinga agt-jaar tronkstraf opgelê is vir die dood van me. Liesel Visagie, wat voor haar dogter dood gery is nadat Malinga vir verkeersmanne weg gejaag het.
Malinga het egter, anders as Sebati, onskuldig gepleit.
Hofverrigtinge is opgeskort vir vonnisoplegging wat tot ’n latere datum uitgestel is.
