Motoriste is op die Traffic Alert WhatsApp groep gewaarsku om versigtig te wees, aangesien ’n voertuig oor die N4 middelman net voor die tolhek gerol het tot in die vinnige baan in Nelspruit se rigting.

David Ross (Ross Towing) sê die egpaar was op pad in Johannesburg se rigting, toe die voertuig gerol en in die teenoorgestelde vinnige baan te lande gekom het.

Die pad is nie gesluit nie, maar slegs een baan is tans toeganklik vir motoriste wat in Johannesburg se rigting ry.

• Alhoewel dit op die oog af lyk of die paartjie nie beseer is nie, is daar wel ’n ambulans ontbied.