Video: Oog op die oggendverkeer en ander probleme op die paaie
Daar was vanoggend ’n ongeluk en ’n voertuig het ongeduldig voor ander ingesny.
Daar was vanoggend ’n ongeluk tussen ’n polisievoertuig en ’n ander voertuig op die hoek van Meyer- en Cowen Ntulistraat.
Na wat verneem word is niemand ernstig beseer nie.
Wynand Spencer (vragmotorbestuurder) het vroeg ’n video gestuur van hoe ’n voertuig net aangehou ry het, nadat dit eintlik moes gedraai het en voor ander voertuie ingesny het in Mandelarylaan.
Daar is op hierdie stadium geen ander ernstige probleme, soos mis en ongelukke in die dorp op die N4, N12, ou Middelburg/Witbankpad, Stoffbergpad of Vandyksdrifpad aangemeld nie. ’n Middelburger het laat weet dat hulle vroeg Johannesburg toe gery het en buiten erge verkeer, geen mis of ongelukke op die pad opgemerk het nie.
As jy weet van enige erge slaggate, ongelukke, mis of selfs voertuie of trokke wat in die pad staan en verkeer belemmer, skakel of stuur ‘n WhatsApp na 072 248 3855.
@middelburgobserver Ongeduldige motoris sny voor ander voertuie in vanaf ’n draaibaan in Mandelarylaan (Middelburg, Mpumalanga).
