Video: Waarskuwing: Muur van mis op paaie, reeds kettingbotsing op N12
Motoriste word gemaan om versigtig te ry met erge mis op die paaie en is daar reeds 'n ongeluk aangemeld.
Verskeie Middelburgers het laat weet van ‘n kettingbotsing op die N12 naby die Ogies afrit.
Die ongeluk het in digte mis plaasgevind en word gesê dat die pad nou gesluit gaan word. ‘n Trok en verskeie voertuie was in die ongeluk betrokke. Ambulanse is reeds op die toneel, maar is dit onduidelik hoeveel beserings daar is.
Daar is ook pas laat weet dat daar in die S-draai by eMalahleni ook ‘n ongeluk was.
Dit is egter nie die enigste probleem met mis nie. Op die N4, die Bethalpad en die R555 (ou Middelburg/Witbankpad) is ook mis aangemeld.
Daar is ook gewaarsku oor ‘n wyfievolstruis wat in die pad loop op die R555 (ou Middelburg/Witbankpad) naby Clear Water se ingang. In die mis is die volstruis nie goed sigbaar nie en word padgebruikers gevra om in daardie area stadiger te ry.
@middelburgobserver Waarskuwing! Digte mis op N4 tussen Middelburg en eMalahleni, N12 vanaf eMalahleni, R555 (ou Middelburg/Witbankpad) en Bethalpad.
