Excellent Mnkomo is Donderdag in beheer van die kragmeting tussen die SA Skole en SA Skole A-span.

Dié oud leerling van Hoërskool Kanonkop wat homself Piesang noem, maar eintlik Excellent Mnkomo is, het so puik geblaas dat hy op die laaste dag toevertrou is met die hoof voorwedstryd tussen die Haaie en Vrystaat.

Nou het hy sy pad oop geblaas na Donderdag se wedstryd wat om 15:00 by Hoërskool Middelburg afskop.
Toegang is gratis.

• Excellent was ’n leerling onderwyser by sy alma mater voordat hy by die personeel van Ben Viljoen op Groblersdal aangesluit het.

Nog nuus oor Donderdag se tweestryd is dat die WP losvoorspeler, Josh Neill, beseer is en in die Skolespan vervang word deur sy WP spanmaat Quintin Potgieter.

Die Blou Bulle se Elwin Janse van Vuuren, wat ook vir Affies uitdraf, is nadergetrek vir die A-span.