Wieldief slaan toe in Bullerlaan na inwoners vroeër ook vreemde wit kar rapporteer
Dis'n peperduur ding om te vervang.
Daar is vanoggend net na een vier wiele van ‘n werksbakkie in Bullerlaan, Dennesig, afgesteel.
Op CCTV beeldmateriaal kan gesien word hoe ‘n enkele figuur in die erf rondkruip.
Die dief merk ook die kamera op, breek hom af en verdwyn met hom, en die vier wiele, die nag in.
Volgens Jaco Coetzee kon hy net die een dief op die beeldmateriaal sien.
“Hoe hy die vier wiele hier weg het weet net hy,” sê Coetzee, en las by dat hy geen voertuig in die omgewing op die beeldmateriaal kon waarneem nie.
“Hy moes egter toegang tot ‘n voertuig gehad het,” glo Coetzee.
Hy meld dat daar gedurende die naweek ‘n wit Suzuki voertuig met ‘n GP-registrasieplaat in die omgewing opgemerk is.
Inwoners het die wit kar op Dennesig WhatsApp-groepe gerapporteer.
Dieselfde kar is opgemerk waar dit volgens Coetzee, stadig op en af in Bullerlaan gery het.
“Of dit bloot toeval is kan ek nie sê nie,” meld Coetzee.
Hy vertel van ‘n ander diefstal waartydens gereedskap ook by hom gesteel is.
Die gereedskap is egter later in ‘n buurman se erf gevind nadat die bure se hond die dief gejaag het.
Die wiele is egter vir Coetzee ‘n kopseer omdat hy more moes Noord-Kaap toe vir werk.
Die bande was boonop splinternuut ook.
