Meyerstraat gaan nog langer toe wees!

Die Steve Tshwete Munisipaliteit het ‘n kennisgewing uitgestuur dat padwerke in Meyerstraat tussen Beyers Naude- en Proteastraat nie tot 6 Augustus nie, maar tot 13 Augustus gaan voortduur.

Daar is dus baie swaar verkeer elke oggend in veral Lilian Ngoyi en Beyers Naude, aangesien trokke en ander verkeer wat vanaf Stoffberg se rigting kom, ook deur die dorp moet ry.

Op die hoek van Lilian Ngoyi en Proteastraat is die verkeerslig buitewerking en dra tot verkeersopeenhopings by.

Daar word gereeld op groepe gewaarsku oor die slaggate in die industriële gebied en word motoriste gemaan om stadig te ry.

‘n Middelburger het vroeg vanoggend laat weet dat houtpale vanaf ‘n trok geval het op die N12, net voor die Ogies afrit en dat motoriste versigtig moet wees.

Op die R555, ou Middelburg/Witbankpad, is net druk verkeer aangemeld. Vanaf Belfast tot by Middelburg op die N4 is nie enige insidente aangemeld nie.

As jy weet van enige ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ‘n WhatsApp (met ‘n foto of video, indien moontlik) na 072 248 3855.