Wie het nou gedink Marelize sou ’n fliek word?
Daai Marelize, die een wat in ’n rugbypaal vasry toe sy leer fietsry. Die my f*k Marelize.
Marelize se ma, Heidi, het die kragwoord gelos toe haar dogter in die rugbypaal vasry.
Gou was sosiale media aan die gons en daar is selfs T-Hemde gedruk met: ‘My f*k Marelize’.
Die film gaan by die Silwerskermfees in Kampsbaai debuteer in Augustus en gaan nie net oor die rugbypaal voorval nie, maar ook oor Heidi se kankerstryd.
Fietsryers sal natuurlik kan identifiseer met Marelize.
Het saam met ’n fietsry groepie gery toe Hein Koch vir my nuwe trappe aansit. Slaan net daar in sy rylaan neer.
Piet Swanepoel se lakoniese opmerking was: “Ag shame!”
Koch het getroos: “Toemaar fietsryers val almal een of ander tyd.”
En toe gebeur dit. In Totiusstraat loop twee voetgangers voor hom in en hy slaan soos ’n os neer.
Riaan du Preez se fietsryvriende het ook een oggend gesug: “My f*k Riaan!”
Riaan is deel van die Early Riders wat al van half vyf af hulle ysterperde trap.
Hy het na ’n oefensessie vergeet om sy voete uit die pedale te trek. En net daar voor sy hek gee hy ’n nonchalante pampoenrol.
Toe sy vriende die video sien het hulle eers gelag en toe soos Marelize se ma gevra: “My f*k Riaan!”
@middelburgobserver My fk Riaan…soos Marelize van rugbypaal faam!
