Video: Oog op die oggendverkeer en ander probleme op paaie
Hier is jou inligtingsgreep om seker te maak waar jy ry, is daar nie enige ernstige insidente of obstruksies op die paaie nie.
Dis weer ompaaie vanoggend, want Meyerstraat is nog toe en motoriste word ook gewaarsku om stadig te ry en volgafstande te hou, aangesien die paaie nat en glad is weens die reën.
Alhoewel die padagentskap (SANRAL) aangedui het dat Meyerstraat oop sal wees vandag, het inwoners laat weet dat die pad nog toe is. Talle voertuie ry steeds deur die veld vanaf Kanonkop na Brugstraat oor die ou Meijersbrug.
‘n Paar inwoners het laat weet dat hulle SMS’e gekry het van hul versekeringsmaatskappye dat dit moontlik kan hael. Op die verskillende weervoorspelling Toeps (Apps) word daar net deurdringende reën voorspel vir die dag.
Die herstelwerk aan die pad op die hoek van Hobson- en Robertsonstraat in Clubville is nog nie voltooi nie.
‘n Slaggat het ook gevorm op die hoek van Hospitaal- en Frewinstraat in Clubville. Rdl. Elsie Vermooten sê die oorsaak daarvan is sproeiers in die area wat lek wat op die padoppervlak gaan lê.
Middelburger Wynand Spencer het vroeg vanoggend Modimolle toe gery met sy vragmotor (N11 na R33) en hy meld dat Kranspoort oop is vir verkeer.
@middelburgobserver Middelburg truck driver Wynand Spencer drove into a hail storm just before Modimolle early this morning! He warns that roads in the area are extremely slippery. Drive safe!
Sowat 30km voor Modimolle (R33) het hy egter in ‘n haelstorm gery en waarsku dat die paaie daardie kant baie glad is.
In Walter Sisulu, net na die Proteastraat-kruising, was daar ‘n ongeluk. Niemand is beseer nie, maar verkeer word beïnvloed.
Ander Middelburgers wat die R555, ou Middelburg/Witbankpad ry, het buiten die reën, nie ander probleme op die pad gekry nie.
Daar was mis vroeg op die N4 naby Belfast, maar dit het redelik opgeklaar en is daar nou net erge wind in die area en bewolkte toestande.
- As jy weet van enige ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ‘n WhatsApp (met ‘n foto of video, indien moontlik) na 072 248 3855.
