Excellent Mnkomo maak sy Curriebeker buiging die naweek teen sy ou provinsie.

Dié gewese Hoërskool Kanonkop leerling, is een van die lynregters wanneer die Blou Bulle en Pumas mekaar more (Saterdag) om 15:00 op Loftus Versfeld pak.

Hy was voorheen lid van die Mpumalanga Skeidsregtersvereniging, maar het by Limpopo se skeidsregters aangesluit, nadat  hy na Groblersdal verhuis het, waar hy nou by Hoërskool Ben Viljoen ’n onderwyser is.

Excellent het die oog gevang by die Cravenweek waar hy só goed geblaas het, dat hy op die laaste dag in die hoofvoorwedstryd in aksie was.

Op 12 Augustus is hy weer in aksie wanneer hy by Boland Landbouskool die wedstryd tussen Suid-Afrika Skole en Ierland se o/18 spanne hanteer.