Video: Oog op die oggendverkeer en ander probleme op paaie
Hier is jou inligtingsgreep om seker te maak waar jy ry, is daar nie enige ernstige insidente of obstruksies op die paaie nie.
Almal is vanoggend baie meer geduldig met Meyerstraat wat oop is, maar is daar digte mis in dié straat vanaf Kanonkop en ook ander uitbreidings van Middelburg aangemeld.
@middelburgobserver Fog reported across large parts of Middelburg (Mpumalanga). This video shows fog in Meyer Street from Kanonkop side. Middelburg, Fog, DriveSafe
Motoriste het ook laat weet dat daar digte mis is op die N11, Hendrinapad.
‘n Protesaksie teen hoë tariewe word beplan in Hendrina vanaf 09:00 by die dorp se munisipale kantore en gaan verkeer moontlik beïnvloed word.
Daar is pas ook mis aangemeld op die N4, Belfast se rigting.
Die R555 (ou Middelburg/Witbankpad) is oop.
Sakelui in die Industriële gebied is omgekrap omdat reuse slaggate in die area net al hoe groter word. Veral as dit reën dam water op in die gate en kan kleiner voertuie beskadig word as hulle daardeur ry. Hulle maan Middelburgers om versigtig te ry in dié area.
- As jy weet van enige ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ‘n WhatsApp (met ‘n foto of video, indien moontlik) na 072 248 3855.
