Verkeer was sedert 06:00 vanmore erg beïnvloed by die Samora Machel- en Mandelastraat kruising nadat ‘n persoon wat uit sy voertuig geklim en doodgery is.

Die ongeluk het net voor 06:00 plaasgevind en die polisie is nog op die toneel besig met hul ondersoek.

In die res van die dorp is daar druk verkeer.

Klagtes stroom steeds in oor die slaggate in die industriële gebied.

Middelburgers het laat weet dat daar vroeg vanoggend protesaksie was by Kriel.

Daar is nie enige probleme op die N11 (Loskopdampad vanaf Marble Hall tot Middelburg) nie en die R555 (Middelburg/Witbankpad) is oop. Padgebruikers kla net steeds oor die spoedwal wat net voor eMalahleni opgesit is, wat ‘n invloed het op verkeersvloei.

As jy weet van ongelukke, mis, groot slaggate en ander obstruksies op die paaie wat verkeer kan beïnvloed, skakel of stuur vir ons ‘n WhatsApp (met ‘n foto of video, indien moontlik) na 072 248 3855.