Middelburg is vinnig besig om in ’n fietsry mekka te verander, met die gewilde Tour de Farm wat jaarliks (1 November 2025) by Alzu se petrostop aangebied word en ’n fietsry fiesta die einde September by Lavender Mill.
Boonop word ’n fietsrybaan op die plaas van Hoërskool Middelburg aangelê wat in die toekoms ’n tuiste vir junior fietsryers kan word.
“’n Fietsry-ervaring wat jou bene laat brand en jou hart laat sing,” word deur die organiseerders van die fiesta beloof.
Die wedrenne word op 27 September aangebied by die tuiste van die weeklikse parkrun sowat 10 kilometer uit op die N11 rigting Loskopdam.
Die wegspring is om 7:00 en daar is afstande van 60, 20 en vyf kilometer.
Deelnemers ontvang elkeen ’n medalje.
Laaste dag om kaartjies te koop is 12 September.
“Hier gaan dit nie net oor die kilometers nie maar oor die avontuur, die geselskap, en die herinneringe wat jy saam skep. Sluit aan hy ’n gemeenskap van bergfiets entoesiaste wat hou van pret, uitdagings en nuwe vriendskappe,” sê organiseerder Thiesa Janse van Rensburg,
Vir navrae skakel Thiesa by 083 447 0964 of Carien Hartman by 073 844 6440.
@middelburgobserver Middelburg word ’n bergfiets mekka – moenie die fietsry fiesta wat einde September by Lavender Mill plaasvind misloop nie!
